फारबिसगंज: गाडी हटाउने निहुँमा युवकको निर्मम हत्या, टाउको र शरीर दुई भाग पारेर सडकमा

युवराज शाह तराई टाइम्स अप्रैल 9 (अररिया): बिहारको अररिया जिल्ला अन्तर्गत फारबिसगंजमा एक सनसनीपूर्ण हत्याको घटना सार्वजनिक भएको छ। फारबिसगंज कृषि उत्पादन बजार समितिको गेट नम्बर २ अगाडि आज एक व्यक्तिको घाँटी रेटी विभत्स हत्या गरिएको हो। हत्याराले कागती काट्ने ठूलो चक्कु प्रहार गरी मृतकको टाउको काटेर शरीरबाट अलग गरी सडकमा फालेर फरार भएका छन्।गाडी हटाउने विवादले लियो उग्र रूपमृतकको पहिचान अमोना, वार्ड नम्बर २१ निवासी मुद्दी मियाँका ४२ वर्षीय छोरा अलि हुसैनको रूपमा गरिएको छ। प्रत्यक्षदर्शीका अनुसार अलि हुसैन पिकअप भ्यानका चालक थिए। गेट नम्बर २ अगाडि सत्तू बेच्ने पसले र हुसैनबीच गाडी हटाउने विषयलाई लिएर विवाद सुरु भएको थियो। भनाभन बढ्दै जाँदा आवेशमा आएका सत्तू पसलेले कागती काट्ने चक्कुले हुसैनको घाँटी छिनाएर हत्या गरेको स्थानीयले बताएका छन्।घटनास्थलमा प्रहरीको टोलीदिउँसै भएको यस विभत्स हत्याका कारण स्थानीय क्षेत्रमा त्रास फैलिएको छ। घटनाको सूचना पाउनासाथ फारबिसगंज प्रहरी तत्काल घटनास्थलमा पुगेर स्थिति नियन्त्रणमा लिएको छ। प्रहरीले शवको मुचुल्का (पञ्चनामा) गरी पोस्टमार्टमका लागि अररिया सदर अस्पताल पठाएको छ।फारबिसगंज प्रहरीका अनुसार आरोपीको पहिचान भइसकेको र खोजीका लागि छापा मार्ने काम भइरहेको छ। प्रहरीले छिट्टै अपराधीलाई पक्राउ गर्ने दाबी गरेको छ।