युवराज शाह taraitimes.com : भदौ २३ र २४ को जेन-जी विद्रोहको छानबिन गर्न गठित गौरी बहादुर कार्की आयोगले ७६ जनाको ज्यान जाने गरी भएको 'राज्य दमन' र ऐतिहासिक सम्पदाको विनाशमा संलग्न दोषीहरूको सूची सरकारलाई बुझाएको छ।
दोषी अधिकारी र कारबाही: प्रतिवेदनले माइतीघर र बानेश्वरमा प्रदर्शनकारीमाथि अन्धाधुन्ध गोली चलाउन आदेश दिने तत्कालीन सुरक्षा प्रमुख र कमान्डरहरूलाई 'मानव अधिकारको गम्भीर उल्लंघन' मा फौजदारी कारबाही गर्न सिफारिस गरेको छ।धरोहर जलाउनेहरूको पहिचान: सिंहदरबार र संसद भवन जस्ता ऐतिहासिक संरचना जलाउने कार्यमा संलग्न व्यक्तिहरूको सिसिटिभी फुटेज र भिडियो प्रमाणसहितको विवरण आयोगले बुझाएको छ, जसमा केही राजनीतिक दलका कार्यकर्ताको समेत संलग्नता देखिएको छ।
राजनीतिक 'अपराधी' को पर्दाफास: आन्दोलनलाई भड्काएर युवालाई सडकमा होम्ने तर अहिले सत्ताको बार्गेनिङमा लागेका 'अदृश्य शक्ति र नेताहरू' लाई समेत प्रतिवेदनले दोषी ठहर्याएको छ। उनीहरूलाई सार्वजनिक पदका लागि अयोग्य घोषित गर्नुपर्ने सुझाव दिइएको छ।
पीडितलाई न्याय: ७६ मृतकका परिवारलाई उचित क्षतिपूर्ति र घाइतेहरूको निःशुल्क उपचारका साथै 'शहीद' को सम्मान दिन सिफारिस गरिएको छ।निर्वाचनका कारण गोप्य राखिएको यो प्रतिवेदनले अहिलेको सत्ता समीकरणमा रहेका कतिपय पात्रहरूलाई संकटमा पारेको छ। प्रतिवेदन कार्यान्वयन नभए अर्को भीषण विद्रोह हुने चेतावनी आयोगले दिएको छ
